Categories
Article

مسلمانوں کے ساتھ ’سیکولر‘ دھوکہ

ہر انتخاب کے وقت سیکولرزم کا راگ شروع ہوتا ہے ۔ مسلمانوں کو اس کی اہمیت و ضرورت کا سبق یاد دلایا جاتا ہے ۔ چند کو چھوڑ کر باقی کسی کو اس کی اہمیت سے انکار نہیں ۔ لیکن شکایت سیکولر لیڈران و پارٹیوں کے رویوں سے ہے جو 68سالوں سے سیکولرزم کے نام پر ملک کے عوام کو ٹھگ رہے ہیں ۔ یہ ایسا سحر ہے جو مسلمانوں کا پیچھا نہیں چھوڑ رہا ۔ کوئی ابن مریم نہ ملا جو اس کی دکھ کی دوا کرے ۔ نہ کوئی اصا بنا جو اس جادو کو نگل سکے ۔مسلمان تکلیفیں اٹھا کر جانے لٹا کر بھی اس متھک کو نہیں توڑ پائے ۔

معیاری تعلیم قیمتی ہونے کی وجہ سے دور ہو گئی یا کردی گئی ۔ نوکری کے امکانات خود بخود محدود ہو گئے ۔ووٹ کی سیاست نے ایسے حالات پیدا کئے کہ مسلمان حاشیہ کے کھلاڑی بن کر رہ گئے ۔ تعصب و محرومی دامن گیر ہو گئی ۔گاؤں چھوٹ رہا ہے یا چھڑایا جا رہا ہے اچھی بستیوں یا کالونیوں سے سلم و گندی جگہوں کی طرف ڈھکیلنے کی کوششیں جاری ہیں ۔ جو اپنے دم پر جمے رہنے کی غلطی کرتے ہیں انہیں فسادات میں قیمت چکانی پڑتی ہے پھر بھی ہم سیکولر قدروں کے محافظ بنے ہوئے ہیں ۔آزادی کے بعد سے مسلمانوں نے الگ پہچان والی سیاست نہیں کی ۔ انہوں نے ہندو ، پچھڑے اور دلتوں کی اکثریت والی پارٹیوں کے ساتھ خود کو جوڑے رکھا ۔ ہمیشہ ساجھے کی سیاست کی اور اپنے قیمتی ووٹ نام کے ہی سہی سیکولر کہلانے والوں کو دےئے کیونکہ اسلام ساتھ مل کر رہنے و نفرت پھیلانے والے عمل سے بچنے کی سیکھ دیتا ہے لیکن یہ سیکولر مسلمانوں کو ووٹ بنک کہہ کر بے عزت کرتے ہیں ۔

بہار چناؤ میں ووٹنگ ہونے والی ہے سیکولر کہلانے والی تمام پارٹیاں مسلمانوں کے ووٹ حاصل کرنا چاہتی ہیں اور فرقہ پرست ان کے ووٹوں کو بے اثر ۔فسطائی یا فرقہ پرستوں کے مقصد، کار کردگی اور عزائم کسی حد تک سامنے ہیں اس لئے آگے بڑھنے سے پہلے سیکولرزم کے دعویٰداروں پر ایک نظر ڈال لینا بہتر ہوگا ۔جے پی آندولن سے سیاست میں داخل ہوئے لالو پرساد یادو بہار میں عظیم اتحاد کا حصہ ہیں ۔ وہ 1977میں جنتا پارٹی کے ٹکٹ پر پہلی مرتبہ پارلیمنٹ پہنچے تھے یہ وہی جنتا پارٹی ہے جس میں جن سنگھ شامل تھی ۔جانکارو ں کا کہنا ہے کہ جے پی آندولن نے سنگھ میں جان پھونکنے کا کام کیا اور عوام میں اس کی مقبولیت کو بڑھایا ۔ گاندھی جی کے قتل کے الزام کی وجہ سے سنگھ ملک میں معتوب تھا خیر جنتا پارٹی نے ملک میں پہلی غیر کانگریسی حکومت قائم کی اس حکومت میں اٹل بہاری واجپئی وزیر خارجہ تھے ۔ اس سے آر ایس ایس کے جنتا پارٹی پر اثر کا اندازہ ہوتا ہے ۔

بھاگلپور ١٩٨٩ء
بھاگلپور ١٩٨٩ء

1989میں بھاگلپور فساد کے وقت لالو پرسا د بہار اسمبلی میں اپوزیشن لیڈر تھے انہوں نے اپنی پہچان کمزور پسماندہ ذاتوں کے لیڈر کے طور پر بنائی تھی وی پی سنگھ کی لیڈر شپ میں جب جنتا دل بنا تو لالو پرساد اس میں شامل ہو گئے ۔ 1990میں جنتا دل نے بہار میں کامیابی حاصل کی قائم مقام وزیر اعظم دیوی لال کے کہنے پر لالو پرساد بہار کے وزیر اعلیٰ بنے لالو جانتے تھے کہ بہار کے فسادات میں خاص رول کس کا رہتا ہے بقوم اختر الاسلام انہوں نے 1989کے فسادات کے الزام میں چھ لوگوں کو جیل بھجوایا لیکن کئی بڑے گناہ گار یادو کو انہوں نے ایم ایل سی بنا کر اپنی وزرات میں شامل کر لیا ۔ انہوں نے فسادات پر تو قابو پا لیا لیکن مسلمانوں کی تعلیم ، ترقی و روزگار کے لئے کچھ نہ کیا ۔ بس وہ فرقہ واریت کا حوالہ دیکر مسلمانوں کے ووٹ حاصل کرتے رہے واضح رہے کہ جنتا دل نے بی جے پی کے ساتھ مل کر ہی مرکز میں حکومت بنائی تھی ۔وی پی سنگھ نے جان بوجھ کر اڈوانی کا رتھ بہار تک جانے دیا لالو پرساد سے رتھ رکواکر سیکولرزم اور مسلمانوں کے ہیرو بن گئے ۔ کہا جاتا ہے کہ لالو نے اپنے زمانے میں بہار میں سنگھ کی شاکھائیں قائم نہیں ہونے دیں ۔ در اصل اس میں بھی ان کا اپنا مفاد پوشیدہ تھا انہیں ڈر تھا کہ یادو سنگھ سے جڑیں گے تو ان کی ووٹ کی طاقت کم ہو جائے گی ۔

جنتا دل سے الگ ہو کر نتیش کمار ، جارج فرنانڈیز نے سمتا پارٹی بنائی ۔ جارج فرنانڈیز کی پہچان شوسلسٹ لیڈر کی تھی لیکن وہ اپنی پارٹی کے ساتھ این ڈی اے کا نہ صرف حصہ بنے بلکہ این ڈی اے کے صدر اور اٹل جی کی سرکار میں وزیر دفاع رہے ۔ اسی حکومت میں وزارت ریل کا قلمدان نتیش کمار کے پاس تھا 2002کے گودھرا سانحہ کی انہوں نے اپنی وزارت سے آزادانہ انکوائری نہیں کرائی کیوں ؟ یہ راز آج بھی راز ہی بنا ہوا ہے ۔ تقریبا 14سال وہ بی جے پی کے ساتھ رہے ایک مرتبہ نتیش کمار نے کہا تھا دیش چلانے کے لئے آپ کو سب کو ساتھ لیکر چلنا پڑتا ہے ۔ کبھی ٹوپی پہننی پڑتی ہے تو کبھی تلک لگانا پڑتا ہے ۔ سوال یہ ہے کہ کیا محض ٹوپی پہننے ، رمال اوڑھنے یا مذہبی تقریبات میں شامل ہونے سے کوئی سیکولر بن جائے گا یا پھر تمام مذاہب کی عزت کرنے ، سب کو تعلیم و ترقی کے بلا تفریق یکساں مواقع فراہم کرنے والا سیکولر کہلائے گا ۔

نتیش کمار نے بھاگلپور فساد کے متاثرین کو معاوضہ دیا ۔ پسماندہ ذاتوں کو معاشی بنیاد پر تقسیم کرکے نئی زمرہ بندی کی اور کمزوروں کو اوپر اٹھانے کے لئے کوٹے میں کوٹا مقرر کرنے کا کام کیا ۔یہ ایسے اقدامات تھے جن سے بہار کے پسماندو ں اور دلتوں کو فائدہ ہوا ۔انہوں نے لڑکیوں کو سائکلیں دے کر انہیں پڑھائی کی طرف متوجہ کیا ۔ کئی لوگ اس قدم کو نتیش کمار کے بہار میں مضبوط سیاسی پکڑ بنانے سے جوڑکر دیکھتے ہیں تو کئی کمزوروں کے ہمدرد کے طور پر ۔ پہلی پاری میں نتیش کمار نے گاؤں کو سڑک سے جوڑنے ،خستہ حال اسکولوں کی تعمیر کرانے ، بجلی کی حالت سدھارنے کسانوں کو ان کی فصلوں کی مناسب قیمت دینے ، مدرسہ بورڈ کو سر گرم کرنے اور مدارس کی جدید کاری کرنے کے جو کام کئے وہ یقیناًایک اچھی شروعات کہے جانے کے مستحق ہیں جبکہ وہ اس وقت بی جے پی کے ساتھ ساجھا سرکار چلا رہے تھے ۔

بہار انتخاب میں سیکولرزم کے نام پر ایک اور گروپ سرگرم ہے یہ اپنے آپ کو تیسرے مورچے کے طور پر متعارف کرارہا ہے ۔اس میں سماجوادی پارٹی ، این سی پی اور پپو یادو کی پارٹی شامل ہیں ۔ سماجوادی کے سپریمو ملائم سنگھ وہ شخص ہیں جنہوں نے ایودھیا میں کار سیوکوں پر گولی چلواکر بابری مسجد رام جنم بھومی تحریک کو ہوا دی ۔ بی جے پی اسی کی بدولت مرکز میں سرکار بنانے میں کامیاب ہوئی لیکن مسلمان اس واقعہ کے بعد ملائم سنگھ کو اپنا ہمدرد ماننے لگے جبکہ انہوں نے مسلمانوں کی تعلیم ، روزگار اور ترقی کی طرف کوئی دھیان نہیں دیا یہاں تک کہ بیس نکاتی پروگرام کے تحت مرکز نے مسلم اکثریتی بلاکوں کے لئے جو رقم فراہم کی وہ بھی خرچ نہ کر سکے بلکہ اس رقم کو دوسرے کاموں میں لگا دیا گیا ۔انہوں نے میرٹھ کے ہاشم پورہ ملیانہ میں پی اے سی کے مظالم کے شکار مسلمانوں کو انصاف دلانے میں بھی کوئی دلچسپی نہیں لی اس کیس میں کسی بھی مجرم کو سزا نہیں ہوئی سماج وادی کی موجودہ سرکار میں چھوٹے بڑے کئی سو فرقہ وارانہ فساد ہو چکے ہیں ان میں مظفر نگر کا فساد سب سے بڑا تھا ۔ اس نے انتظامیہ کے ڈھلمل رویہ کی وجہ سے طول پکڑا ۔ مظفر نگر فساد پر آئی رپورٹ میں بھاجپا کے ساتھ سماج وادی پارٹی، بہوجن سماج پارٹی اور کانگریس کے لوگوں کے شامل ہونے کی بات بھی سامنے آئی ہے ۔پولس حراست میں مجاہد کی موت ، کانپور میں مسلم نو جوان کو پاکستانی بتا کر مار دینا اور دادری کے بیساڑا گاؤں میں بھیڑ کا گھر میں گھس کر اخلاق کو قتل کر دینا ریاست میں سماج وادی کی نہ کامی کی مثالیں ہیں ۔ڈی ایس پی ضیاء الحق کو مروانے والے کو سرکار میں وزیر بنائے رکھنا اور کلیان سنگھ کو سماج وادی پارٹی میں شامل کرنا ملائم سنگھ کی ذہنیت کی عکاسی کرتا ہے ۔اس سب کے با وجود بھی وہ سیکولر ہونے کے دعویدار ہیں ویسے انہیں دکھاوا کرنا خوب آتا ہے جس کی وجہ سے وہ مسلمانوں میں جگہ بنانے میں کامیاب ہو جاتے ہیں ۔

1992کے ممبئی فسادات این سی پی کے شرد پوار کے وزیر اعلیٰ رہتے ہوئے ہوئے تھے ۔تھانہ ، بھونڈی جیسے مسلم کش فسادات کے لئے بھی کسی گناہگار کو سزا نہیں ملی ۔شیو سینا کے مضبوط ہونے میں بھی انہیں کی پالسیوں کا دخل ہے مہاراشٹر کے حالیہ انتخابات کے بعد شرد پوار وہ پہلے شخص تھے جنہوں نے بلا شرط بی جے پی کو حمایت دینے کا اعلان کیا تھا۔کیا سے سیکولرزم کہیں گے؟ در اصل 20 سال پہلے کا پچھڑا، دلت اورمسلم گٹھ جوڑ جو نام نہاد سیکولرزم کی بنیاد پر قائم ہوا تھا اب وہ بے معنی ہو چکا ہے ۔ پچھڑی اور دلت سیاست اپنا ایک دور پورا کر چکی ہے اس نے سیاسی اعتبار سے ان ذاتوں کو اتنا طاقتور بنا دیا ہے کہ بھاجپا تک اسے نظر انداز نہیں کرسکتی ۔ اس کا مطلب یہ ہے کہ پارلیمنٹری سیاست کے مقابلہ میں یہ ذاتیں کسی ایک دل کے ساتھ خود کو باندھنے میں فائدہ نہیں دیکھتیں ۔اگر کوئی پارٹی انہیں مناسب تعداد میں حصہ داری دے تو انہیں بھاجپا سے بھی کوئی گریز نہیں ۔ کیونکہ اس سے ان کی مول تول کی طاقت بڑھتی ہے دلت پچھڑی سیاست اب وسیع ہندو سیاست سے تال میل بٹھانا بہتر مانتی ہے کیونکہ اسے لگتا ہے کہ یہاں ووٹوں کی تعدا د زیادہ ہے ۔رام ولاس پاسوان ، رام داس اٹھاولے ، ادت راج اور اوپندر کشواہا اس کی مثال ہیں ۔بہوجن سماج پارٹی نے بھی اپنے شدت پسند رخ کو نرم کر لیا ہے جو سیاسی دل سماجی انصاف کے قائل ہیں وہ بھی مسلمانوں کے حق میں کھل کر کچھ کہنے سے بچتے ہیں ۔ کیجریوال جیسے لوگ اس کا ثبوت ہیں ۔ وہ مسلمانوں کے ووٹ تو چاہتے ہیں لیکن اپنے آس پاس ان کی سرگرمی نہیں چاہتے ۔

کانگریس کے پالیسی ساز پارٹی کی ناکامی کے لئے اس کی مسلم نوازی کو ذمہ دار ٹھہراتے ہیں جبکہ حقیقت اس کے برعکس ہے ۔ بیشتر مسلم کش فسادات اسی کے دور اقتدار میں ہوئے ۔کانگریس کی مسائل سے مسائل سلجھانے کی قواعد اور سیکولر سیاست جو مولویوں کی پچھ لگو بنی رہی نے شمال کے مسلمانوں کو ووٹ بنک بنا کر رکھ دیا ۔بابری مسجد میں تالا لگوانے ، تالا کھلوانے اور شہید کئے جانے کے سارے کام کانگریس کی سرکاروں میں ہی ہوئے انسداد فرقہ وارانہ فسادات بل جان بوجھ کر پاس نہیں کروایا گیا ۔سچر کمیٹی ، رنگ ناتھ مشرا کمیشن بنواکر کانگریس نے اہل وطن کو یہ بتانے کی کوشش کی کہ اگر ہم نے مسلمانوں کے لئے کچھ کیا ہوتا تو آج ان کی حالت دلتو ں سے بدتر نہ ہوتی ۔ کانگریس نے ان تجاویز کو لاگو کرنے میں بھی کوئی سنجیدگی نہیں دکھائی ۔دستو ر کی دفعہ 341 کے دائرے سے مسلمانوں اور عیسائیوں کو کانگریس نے ہی باہر رکھا ۔دہشت گردی کے الزامات میں گرفتاریاں اور فرضی انکاؤنٹر بھی کانگریس کے زمانے میں ہی زیادہ ہوئے ۔ فرقہ وارانہ نفرت پھیلانے والوں کی اس نے کبھی ہمت شکنی نہیں کی بلکہ کئی مواقع پر تو کانگریس نے فرقہ پرستوں سے بڑھ کر مسلمانوں کو نقصان پہنچایا ۔اس کے با وجود بھی وہ سیکولر ہونے کی دعویدار ہے ۔

کمیونسٹ ملک میں سیکولرزم کے سب سے بڑے دعویٰ دار مانے جاتے ہیں سچر کمیٹی کی رپورٹ سے معلوم ہوتا ہے کہ اقلیتی فرقہ کو بدترین حالت میں پہنچانے کے لئے بائیں بازو کی پارٹیاں سب سے زیادہ ذمہ دار ہیں ۔مغربی بنگال میں بے شک ان کے زمانے میں فسادات نہیں ہوئے لیکن ان 34سالوں میں معاشی اور سماجی ترقی کی راہیں مسلمانوں کے کئے مسدود ہوگئیں ۔دینی ادارے اور تعلیم گاہیں چوپٹ ہو گئیں اس کی وجہ سے یہاں کے مسلمان دوسری ریاستوں سے بھی پچھڑ گئے ۔ جائزے سے اندازہ ہوتا ہے کہ سیکولرزم کو اقتدار تک پہنچنے کے لئے زینے کے طور پر استعمال کیا جاتا رہا ہے ۔ اس کا نا کوئی اصول ہے نہ بندش ورنہ سیکولر کہے جانے والے اپنی وفاداریاں کپڑوں کی طرح نہ بدلتے ۔ سیاسی حضرات کا ایک پارٹی سے دوسری پارٹی میں جانا بہت عام بات ہے اس سے معلوم ہوتا ہے کہ سب کا اپنا اپنا سیکولرزم الگ الگ ہے ۔ لالو ، نتیش ، کانگریس ، کمیونسٹ اور ملائم کا اپنا اور نریندر مودی کا اپنا ۔ انہیں مسلم ٹوپی پہننے اور افطار پارٹی میں شریک ہوکر دکھاوا کرنا پسند نہیں۔لیکن وہ اپنے مذہبی عقائد کا اظہار کرنے اور خاص طبقہ سے نزدیکی ظاہر کرنے کا کوئی موقع نہیں چھوڑتے جس سے اقلیتوں کے شک کی تصدیق ہوتی ہے کہ ان کے ساتھ بھید بھاؤ کا رویہ اختیار کیا جا رہا ہے ۔سب اپنے اپنے ووٹ بنک کی سیاست کررہے ہیں ۔

2---3---4-BHK-Luxurious-Flats-for-Muslims-in-Bharuch-By-Pass-Road-ak_L1993504812-1438445577
گجرات کے بھروچ میں مسلمانوں کا ایک رہائشی علاقہ

ایسی صورت میں مسلمان کیا کریں یہ سوال اہم ہے ملک کی ہر ریاست میں مسلمانوں کے مسائل اور صورتحال الگ ہے اس لحاظ سے ریاست وار مسلمانوں کو اپنی موجودگی اور ضرورت کے مطابق فیصلہ لینا ہوگا ۔فیصلہ ایسا ہونا چاہئے جو مسلمانوں کو سیاسی ، سماجی اور معاشی اعتبار سے با اختیار بنانے میں معاون ہو ۔سماجی و معاشی بہتری کے لئے ہم وطنوں کے ساتھ تعلقات کو خوشگوار بنانا ضروری ہے ۔ سیاسی حصہ داری کے لئے ووٹر لسٹ میں ناموں کا اندراج کرانے کے ساتھ ملک میں ہوئے دو کامیاب تجربوں سے رہنمائی حاصل کی جا سکتی ہے ۔ ان میں سے ایک ہے سیاسی پارٹی بنا کر ایوان اقتدار میں نمائندگی یہ تجربہ کیرلا اور آسام میں کامیاب رہا ہے ۔دوسرا کرناٹک کا تجربہ ہے وہاں کے مسلمانوں نے تمام مذہبی جماعتوں ، علاقہ وار ذمہ داروں اور شخصیات پر مشتمل ایک متحدہ کمیٹی تشکیل دی ۔اس کمیٹی نے تمام سیاسی جماعتوں سے اپنے مسائل کے حل و نمائندگی کے بارے میں گفتگو کرکے ان کی رائے جانی ۔ تمام پارٹیوں کی آراء کو نمائندہ کمیٹی کے اجلاس میں پیش کرکے صلاح و مشورے کے بعد مشترکہ طور پر فیصلہ لیا گیا کہ مسلمان اپنا ووٹ کسے کریں گے ۔ اس کمیٹی نے جس کے حق میں فیصلہ لیا اسے ریاست میں کامیابی ملی ۔ جمہوریت کا متفقہ اصول ہے جو گروپ یا طبقہ اپنے ووٹوں کو اکٹھا استعمال کرنے کی صلاحیت رکھتا ہے وہی اقتدار میں حصہ اور عزت پانے میں کامیاب ہوتا ہے ۔ یہ آپ کے ہاتھ میں ہے کہ اس تجربہ کو صوبائی سطح پر اپنائیں گے یا مقامی سطح پر ۔ برابری و بھاگیداری حاصل کرنے کے لئے اتنا تو کرنا ہی پڑے گا ۔


मुसलमानों के साथ ‘सेक्युलर’ धोखा

हर इंतिख़ाब के वक़्त सेक्युलरिज़म का राग शुरू होता है। मुस्लमानों को इस की अहमियत-ओ-ज़रूरत का सबक़ याद दिलाया जाता है। चंद को छोड़कर बाक़ी किसी को इस की अहमियत से इनकार नहीं। लेकिन शिकायत ‘सेक्युलर’ लीडरान-ओ-पार्टीयों के रूयों से है जो 68 सालों से सेक्युलरिज़म के नाम पर मुल्क के अवाम को ठग रहे हैं। ये ऐसा सह्र है जो मुसलमानों का पीछा नहीं छोड़ रहा। कोई इब्न-ए-मरियम ना मिला जो उस की दुख की दवा करे। न कोई एसा बना जो इस जादू को निगल सके। मुसलमान तकलीफ़ें उठा कर, जानें लुटा कर भी इस मिथक को नहीं तोड़ पाए।

मयारी तालीम क़ीमती होने की वजह से दूर हो गई या कर दी गई। नौकरी के इमकानात ख़ुद बख़ुद महदूद हो गए। वोट की सियासत ने ऐसे हालात पैदा किए कि मुसलमान हाशिये के खिलाड़ी बन कर रह गए। तास्सुब-ओ-महरूमी दामनगीर हो गई। गांव छूट रहा है या छुड़ाया जा रहा है; अच्छी बस्तियों या कालोनीयों से स्लम ओ गंदी जगहों की तरफ़ ढकेलने की कोशिशें जारी हैं। जो अपने दम पर जमे रहने की ग़लती करते हैं उन्हें फ़सादात में क़ीमत चुकानी पड़ती है, फिर भी हम सेक्युलर क़दरों के मुहाफ़िज़ बने हुए हैं। आज़ादी के बाद से मुसलमानों ने अलग पहचान वाली सियासत नहीं की। उन्होंने हिंदू, पिछड़े और दलितों की अक्सरीयत वाली पार्टियों के साथ ख़ुद को जोड़े रखा। हमेशा साझे की सियासत की और अपने क़ीमती वोट, नाम के ही सही, सेक्युलर कहलाने वालों को दिए क्योंकि इस्लाम साथ मिलकर रहने ओ नफ़रत फैलाने वाले अमल से बचने की सीख देता है लेकिन ये सेक्युलर मुसलमानों को वोट बैंक कह कर बेइज़्ज़त करते हैं।

बिहार चुनाव में वोटिंग होने वाली है; सेक्युलर कहलाने वाली तमाम पार्टियाँ मुसलमानों के वोट हासिल करना चाहती हैं और फ़िरक़ा-परस्त उनके वोटों को बे-असर। फ़सताई या फ़िर्क़ापरस्तों के मक़सद, कारकर्दगी और अज़ाइम किसी हद तक सामने हैं; इसलिए आगे बढ़ने से पहले सेक्युलरिज़म के दावेदारों पर एक नज़र डाल लेना बेहतर होगा। जेपी आंदोलन से सियासत में दाख़िल हुए लालू प्रसाद यादव बिहार में अज़ीम इत्तिहाद का हिस्सा हैं। वो 1977 में जनता पार्टी के टिकट पर पहली मर्तबा पार्लमेंट पहुंचे थे; ये वही जनता पार्टी है जिसमें जन संघ शामिल थी। जानकारों का कहना है कि जे पी आंदोलन ने सिंह में जान फूँकने का काम किया और अवाम में इस की मक़बूलियत को बढ़ाया। गांधीजी के क़त्ल के इल्ज़ाम की वजह से संघ मुल्क में मातूब था; ख़ैर, जनता पार्टी ने मुल्क में पहली ग़ैर-कांग्रेसी हुकूमत क़ायम की; इस हुकूमत में अटल बिहारी वाजपई वज़ीर-ए-ख़ारजा थे। इस से आर एस एस के जनता पार्टी पर-असर का अंदाज़ा होता है।

1989 मैं भागलपुर फ़साद के वक़्त लालू प्रसाद बिहार असैंबली में अप्पोज़ीशन लीडर थे; उन्होंने अपनी पहचान कमज़ोर पसमांदा जातियों के लीडर के तौर पर बनाई थी; वीपी सिंह की लीडरशिप में जब जनता दल बना तो लालू प्रसाद इस में शामिल हो गए। 1990 में जनता दल ने बिहार में कामयाबी हासिल की; क़ायम मक़ाम वज़ीर-ए-आज़म देवी लाल के कहने पर लालू प्रसाद बिहार के वज़ीर-ए-आला बने; लालू जानते थे कि बिहार के फ़सादात में ख़ास रोल किस का रहता है; बक़ोम अख़तर उल-इस्लाम उन्होंने 1989 के फ़सादात के इल्ज़ाम में 6 लोगों को जेल भिजवाया; लेकिन कई बड़े गुनाहगार यादव को उन्होंने एमएलसी बना कर अपनी वुज़रात में शामिल कर लिया। उन्होंने फ़सादात पर तो क़ाबू पा लिया, लेकिन मुसलमानों की तालीम, तरक़्क़ी-ओ-रोज़गार के लिए कुछ न किया। बस वो फ़िर्कावारियत का हवाला देकर मुसलमानों के वोट हासिल करते रहे; वाज़े रहे कि जनता दल ने बीजेपी के साथ मिलकर ही मर्कज़ में हुकूमत बनाई थी। वीपी सिंह ने जान-बूझ कर आडवाणी का रथ बिहार तक जाने दिया; लालू प्रसाद से रथ रुकवा कर ‘सेक्युलरिज़म’ और मुसलमानों के हीरो बन गए। कहा जाता है कि लालू ने अपने ज़माने में बिहार में संघ की शाखाएं क़ायम नहीं होने दीं। दरअस्ल इस में भी उनका अपना मुफ़ाद पोशीदा था; उन्हें डर था कि यादव सिंह से जुड़ेंगे तो उनकी वोट की ताक़त कम हो जाएगी।

जनता दिल से अलग हो कर नीतीश कुमार, जॉर्ज फ़र्नांडीज़ ने समता पार्टी बनाई। जॉर्ज फ़र्नांडीज़ की पहचान शोसलिस्ट लीडर की थी, लेकिन वो अपनी पार्टी के साथ एनडीए का न सिर्फ़ हिस्सा बने बल्कि एनडीए के सदर और अटल जी की सरकार में वज़ीर-ए-दिफ़ा रहे। इसी हुकूमत में वज़ारत रेल का क़लमदान नीतीश कुमार के पास था; 2002 के गोधरा-सानिहा की उन्होंने अपनी वज़ारत से आज़ादाना इंकुआयरी नहीं कराई; क्यों? ये राज़ आज भी राज़ ही बना हुआ है। तक़रीबन 14 साल वो बीजेपी के साथ रहे; एक मर्तबा नीतीश कुमार ने कहा था कि देश चलाने के लिए आपको सबको साथ लेकर चलना पड़ता है। कभी टोपी पहननी पड़ती है तो कभी तिलक लगाना पड़ता है। सवाल ये है कि क्या महज़ टोपी पहनने, रुमाल ओढ़ने या मज़हबी तक़रीबात में शामिल होने से कोई सेक्युलर बन जाएगा, या फिर तमाम मज़ाहिब की इज़्ज़त करने, सबको तालीम-ओ-तरक़्क़ी के बिला तफ़रीक़ यकसाँ मवाक़े फ़राहम करने वाला सैकूलर कहलाएगा?

नीतीश कुमार ने भागलपुर फ़साद के मुतास्सिरीन को मुआवज़ा दिया। पसमांदा जातियों को मआशी बुनियाद पर तक़सीम करके नई ज़मुरा बंदी की और कमज़ोरों को ऊपर उठाने के लिए कोटे में कोटा मुक़र्रर करने का काम किया। ये ऐसे इक़दामात थे जिनसे बिहार के पस्मान्दों और दलितों को फ़ायदा हुआ। उन्होंने लड़कियों को साइकिलें देकर उन्हें पढ़ाई की तरफ़ मुतवज्जे किया। कई लोग इस क़दम को नीतीश कुमार के बिहार में मज़बूत सियासी पकड़ बनाने से जोड़कर देखते हैं तो कई कमज़ोरों के हमदर्द के तौर पर। पहली पारी में नीतीश कुमार ने गांव को सड़क से जोड़ने, ख़स्ता-हाल स्कूलों की तामीर कराने, बिजली की हालत सुधारने, किसानों को उनकी फ़सलों की मुनासिब क़ीमत देने, मुदर्रिसा बोर्ड को सर-गर्म करने और मदारिस की जदीदकारी करने के जो काम किए वो यक़ीनन एक अच्छी शुरूआत कहे जाने के मुस्तहिक़ थे जबकि वो उस वक़्त बीजेपी के साथ साझा सरकार चला रहे थे।

एक इफ़्तार पार्टी के दौरान मुलायम सिंह यादव और उनके बेटे उत्तर प्रदेश के वज़ीर-ए-आला अखिलेश यादव
एक इफ़्तार पार्टी के दौरान मुलायम सिंह यादव और उनके बेटे उत्तर प्रदेश के वज़ीर-ए-आला अखिलेश यादव

बिहार इंतिख़ाब में सेक्युलरिज़म के नाम पर एक और ग्रुप सरगर्म है; ये अपने आपको तीसरे मोर्चे के तौर पर मुतआरिफ़ करा रहा है। इस में समाजवादी पार्टी, एन सी पी और पप्पू यादव की पार्टी शामिल हैं। समाजवादी के सुप्रीमो मुलायम सिंह वो शख़्स हैं जिन्होंने अयोध्या में कारसेवकों पर गोली चलवाकर बाबरी मस्जिद राम जन्मभूमि तहरीक को हवा दी। बीजेपी उसी की बदौलत मर्कज़ में सरकार बनाने में कामयाब हुई; लेकिन मुसलमान इसवाक़िया के बाद मुलायम सिंह को अपना हमदर्द मानने लगे जबकि उन्होंने मुसलमानों की तालीम, रोज़गार और तरक़्क़ी की तरफ़ कोई ध्यान नहीं दिया; यहां तक कि बीस नकाती प्रोग्राम के तहत मर्कज़ ने मुस्लिम अक्सरीयती ब्लाकों के लिए जो रक़म फ़राहम की वो भी ख़र्च न कर सके बल्कि इस रक़म को दूसरे कामों में लगा दिया गया। उन्होंने मेरठ के हाशिमपुरा मुलियाना में पीएसी के मज़ालिम के शिकार मुसलमानों को इन्साफ़ दिलाने में भी कोई दिलचस्पी नहीं ली; इस केस में किसी भी मुजरिम को सज़ा नहीं हुई; समाजवादी की मौजूदा सरकार में छोटे बड़े कई सौ फ़िर्कावाराना फ़साद हो चुके हैं उनमें मुज़फ़्फ़रनगर का फ़साद सबसे बड़ा था। उसे इंतिज़ामिया के ढुलमुल रवैये की वजह से तूल पकड़ा। मुज़फ़्फ़रनगर फ़साद पर आई रिपोर्ट में भाजपा के साथ समाजवादी पार्टी, बहुजन समाज पार्टी और कांग्रेस के लोगों के शामिल होने की बात भी सामने आई है। पुलिस हिरासत में मुजाहिद की मौत, कानपूर में मुस्लिम नौजवान को पाकिस्तानी बता कर मार देना और दादरी के बीसाड़ा गांव में भीड़ का घर में घुस कर अख़लाक़ को क़त्ल कर देना रियासत में समाजवादी पार्टी की नाकामी की मिसालें हैं। डीएसपी ज़िया उल-हक़ को मरवाने वाले को सरकार में वज़ीर बनाए रखना और कल्याण सिंह को समाजवादी पार्टी में शामिल करना मुलायम सिंह की ज़हनीयत की अक्कासी करता है। इस सब के बावजूद भी वो सेक्युलर होने के दावेदार हैं! वैसे उन्हें दिखावा करना ख़ूब आता है, जिसकी वजह से वो मुस्लमानों में जगह बनाने में कामयाब हो जाते हैं।

text box1992 के मुंबई फ़सादात एनसीपी के शरद पवार के वज़ीर-ए-आला रहते हुए हुए थे। थाना भोंडी जैसे मुस्लिम-कुश फ़सादात के लिए भी किसी गुनहगार को सज़ा नहीं मिली। शिवसेना के मज़बूत होने में भी उन्हीं की पालिसीयों का दख़ल है; महाराष्ट्र के हालिया इंतिख़ाबात के बाद शरद पवार वो पहले शख़्स थे जिन्होंने बिला शर्त बीजेपी को हिमायत देने का ऐलान किया था। क्या इसे सेक्युलरिज़म कहेंगे? दरअस्ल 20 साल पहले का पिछड़ा, दलित और मुस्लिम गठजोड़ जो नाम-निहाद सेक्युलरिज़म की बुनियाद पर क़ायम हुआ था، अब वो बेमानी हो चुका है। पिछड़ी और दलित सियासत अपना एक दौर पूरा कर चुकी है; उसने सियासी ऐतबार से उन जातियों को इतना ताक़तवर बना दिया है कि भाजपा तक उसे नज़रअंदाज नहीं कर सकती। इसका मतलब ये है कि पार्लमेंटरी सियासत के मुक़ाबले में ये जातियाँ किसी एक दल के साथ ख़ुद को बाँधने में फ़ायदा नहीं देखतीं। अगर कोई पार्टी उन्हें मुनासिब तादाद में हिस्सेदारी दे तो उन्हें भाजपा से भी कोई गुरेज़ नहीं। क्योंकि इससे उनकी मोलतोल की ताक़त बढ़ती है; दलित-पिछड़ी सियासत अब वसीअ हिंदू सियासत से तालमेल बिठाना बेहतर मानती है क्योंकि उसे लगता है कि यहां वोटों की तादाद ज़्यादा है। राम विलास पासवान, राम दास अठावले, उदित राज और उपेन्द्र कुशवाहा इसकी मिसाल हैं। बहुजन समाज पार्टी ने भी अपने शिद्दत-पसंद रुख़ को नरम कर लिया है जो सियासी दल समाजी इन्साफ़ के क़ायल हैं वो भी मुसलमानों के हक़ में खुल कर कुछ कहने से बचते हैं। केजरीवाल जैसे लोग उस का सबूत हैं। वो मुसलमानों के वोट तो चाहते हैं, लेकिन अपने आस-पास उनकी सरगर्मी नहीं चाहते।

कांग्रेस के पालिसी साज़ पार्टी की नाकामी के लिए उस की मुस्लिम नवाज़ी को ज़िम्मेदार ठहराते हैं जबकि हक़ीक़त उस के बरअक्स है। बेशतर मुस्लिम कुश फ़सादात उसी के दौर-ए-इक्तदार में हुए। कांग्रेस की मसाइल से मसाइल सुलझाने की क़वायद और ‘सेक्युलर’ सियासत, जो मौलवियों की पिछलग्गू बनी रही, ने शुमाल के मुसलमानों को वोट बैंक बना कर रख दिया। बाबरी मस्जिद में ताला लगवाने, ताला खुलवाने और शहीद किए जाने के सारे काम कांग्रेस की सरकारों में ही हुए; इंसिदाद फ़िर्कावाराना फ़सादात बिल जान-बूझ कर पास नहीं करवाया गया। सच्चर कमेटी, रंग नाथ मिश्रा कमीशन बनवाकर कांग्रेस ने अह्ले-वतन को ये बताने की कोशिश की कि अगर हमने मुसलमानों के लिए कुछ किया होता तो आज उनकी हालत दलितों से बदतर न होती। कांग्रेस ने इन तजावीज़ को लागू करने में भी कोई संजीदगी नहीं दिखाई। दस्तूर की दफ़ा 341 के दायरे से मुसलमानों और ईसाईयों को कांग्रेस ने ही बाहर रखा। दहशतगर्दी के इल्ज़ामात में गिरफ़्तारियाँ और फ़र्ज़ी एनकाउंटर भी कांग्रेस के ज़माने में ही ज़्यादा हुए। फ़िर्कावाराना नफ़रत फैलाने वालों की उसने कभी हिम्मत शिकनी नहीं की, बल्कि कई मवाक़े पर तो कांग्रेस ने फ़िर्क़ापरस्तों से बढ़कर मुसलमानों को नुक़्सान पहुंचाया। इस के बावजूद भी वो सेक्युलर होने की दावेदार है!

कम्युनिस्ट मुल्क में सेक्युलरिज़म के सबसे बड़े दावेदार माने जाते हैं; सच्चर कमेटी की रिपोर्ट से मालूम होता है कि अक़लियती फ़िर्क़ा को बदतरीन हालत में पहुंचाने के लिए बाएंबाज़ू की पार्टीयां सबसे ज़्यादा ज़िम्मेदार हैं। मग़रिबी बंगाल में बेशक उनके ज़माने में फ़सादात नहीं हुए, लेकिन इन 34 सालों में मआशी और समाजी तरक़्क़ी की राहें मुसलमानों के किए मस्दूद हो गईं। दीनी इदारे और तालीम गहें चौपट हो गईं; उस की वजह से यहां के मुसलमान दूसरी रियासतों से भी पिछड़ गए। जायज़े से अंदाज़ा होता है कि ‘सेक्युलरिज़म’ को इक़तिदार तक पहुंचने के लिए ज़ीने के तौर पर इस्तेमाल किया जाता रहा है। इस का न कोई उसूल है, न बंदिश; वर्ना सेक्युलर कहे जानेवाले अपनी वफ़ादारियां कपड़ों की तरह न बदलते। सियासी हज़रात का एक पार्टी से दूसरी पार्टी में जाना बहुत आम बात है; इससे मालूम होता है कि सब का अपना अपना सेक्युलरिज़म अलग-अलग है। लालू, नीतीश, कांग्रेस, कम्युनिस्ट और मुलायम का अपना और नरेंद्र मोदी का अपना। उन्हें मुस्लिम टोपी पहनने और इफ़तार पार्टी में शरीक हो कर दिखावा करना पसंद नहीं। लेकिन वो अपने मज़हबी अक़ायद का इज़हार करने और ख़ास तबक़े से नज़दीकी ज़ाहिर करने का कोई मौक़ा नहीं छोड़ते; जिससे अक़लियतों के शक की तसदीक़ होती है कि उनके साथ भेद-भाव का रवैय्या इख़तियार किया जा रहा है। सब अपने-अपने वोट बैंक की सियासत कर रहे हैं।

ऐसी सूरत में मुसलमान क्या करें, ये सवाल अहम है। मुल्क की हर रियासत में मुसलमानों के मसाइल और सूरत-ए-हाल अलग हैं, इस लिहाज़ से रियासतवार मुसलमानों को अपनी मौजूदगी और ज़रूरत के मुताबिक़ फ़ैसला लेना होगा। फ़ैसला ऐसा होना चाहिए जो मुसलमानों को सियासी, समाजी और मआशी ऐतबार से बा-इख़तियार बनाने में मुआविन हो। समाजी-ओ-मआशी बेहतरी के लिए हमवतनों के साथ ताल्लुक़ात को ख़ुशगवार बनाना ज़रूरी है। सियासी हिस्सेदारी के लिए वोटर लिस्ट में नामों का इंदिराज कराने के साथ मुल्क में हुए दो कामयाब तजुर्बों से रहनुमाई हासिल की जा सकती है। उनमें से एक है सियासी पार्टी बना कर ऐवान इक़तिदार में नुमाइंदगी; ये तजुर्बा केरल और आसाम में कामयाब रहा है। दूसरा कर्नाटक का तजुर्बा है; वहां के मुसलमानों ने तमाम मज़हबी जमातों, इलाक़ा-वार ज़िम्मेदारों और शख़्सियात पर मुश्तमिल एक मुत्तहदा कमेटी तशकील दी। इस कमेटी ने तमाम सियासी जमातों से अपने मसाइल के हल-ओ-नुमाइंदगी के बारे में गुफ़्तगू करके उनकी राय जानी। तमाम पार्टीयों की आरा को नुमाइंदा कमेटी के इजलास में पेश करके सलाह-ओ-मशवरे के बाद मुशतर्का तौर पर फ़ैसला लिया गया कि मुसलमान अपना वोट किसे करेंगे। इस कमेटी ने जिसके हक़ में फ़ैसला लिया उसे रियासत में कामयाबी मिली। जम्हूरियत का मुत्तफ़िक़ा उसूल है, जो ग्रुप या तबक़ा अपने वोटों को इकट्ठा इस्तेमाल करने की सलाहियत रखता है, वही इक़तिदार में हिस्सा और इज़्ज़त पाने में कामयाब होता है। ये आपके हाथ में है कि इस तजुर्बे को सुबाई सतह पर अपनाएंगे या मुक़ामी सतह पर। बराबरी-ओ-भागीदारी हासिल करने के लिए इतना तो करना ही पड़ेगा।

Avatar

By Muzaffar Husain Ghazali

Lawyer by training, associate editor at Daily Urdu Net and editor at UNN India

Leave a Reply